Шымкент қалалық көзі көрмейтін және әлсіз көретін азаматтарға арналған арнайы кітапханасының оқырманы,  көз мүгедегі Нұрадин Бекжан Нұрланұлының Teleqram «kitap tynda cһat»-ын  сіздердің назарларыңызға ұсынып отырмыз. Еліміздегі бекітілген төтенше жағдайға байланысты уақытты бос өткізбей, кітап оқиық! Аталмыш чатқа тіркеліп, өздеріңізге ұнаған кітаптарыңызды тыңдап, ой-санаңызды рухани азықпен сусындатыңыз.

2020 жылдың 19 ақпанында Шымкент қалалық  көзі көрмейтін және әлсіз көретін азаматтарға арналған арнайы кітапханасында оқырмандар арасында  Әбу Насыр әл-Фарабидің  1150 жылдығына арналған « Ұмытылмас ұлы тұлға» атты іс-шара өтті.

Іс-шараға М. Әуезов атындағы Оңтүстік Қазақстан Мемлекеттік университетінің «Қазақстан тарихы» кафедрасының доценті Белгібай Жанар Құрманқызы мен тарих ғалымдарының кандидаты, профессор Қосанбаев Сәкен Құрманбекұлы және педагогика ғылымдарының кандидаты Құрбаналиев Буыржан Өмірзақұлы қонаққа келіп,  Әбу Насыр әл- Фарабидің өмірі мен еңбектері жайлы баяндамаларын екі тілде оқырмандарға   таныстырды. Сонымен қатар, оқырмандар тарапынан қойылған сұрақтарға жауап беріп өтті. Бауыржан Өмірзақұлы Әбу Насыр әл-Фарабидің «Қайырымды қала» трактатына тоқталып әңгіме өрбітті. Трактатта ізгілікті қоғам болмысының негізгі тетіктері мен қажетті шарттары туралы жан-жақты талданып, зерделенді. Іс-шара соңында кітапхана директоры Нұрманбетов Бәкір Әбдіұлы келген қонақтарға өнегелі ойлары мен әсерлі әңгімелерін айтып, рухани байлыққа бағыт дарытқаны үшін ризашылығын білдіріп, алғыс хаттар табыстады.